Հեղինակի արխիվ

ՄԱԿ-ի ԱԽ-ն ահաբեկչության և անդրազգային հանցավորության դեմ պայքարի կոչ է արել

transnationalՄիավորված ազգերի կազմակերպության Գլխավոր քարտուղարի՝ քաղաքական հարցերով խորհրդական Ջեֆրի Ֆելթմանը հայտարարել է, որ միջազգային ահաբեկչությունը ծաղկում է՝ մեծ մասամբ, անդրազգային հանցավոր գործունեությունից, այդ թվում՝ թմրամիջոցների ապօրինի շրջանառությունից և բնական պաշարների անօրինական արդյունահանումից ստացված եկամուտների շնորհիվ: Այդ մասին ՄԱԿ-ի պաշտոնյան ասել է դեկտեմբերի 19-ին՝ հանդես գալով ահաբեկչության և անդրազգային հանցավորության դեմ պայքարին նվիրված՝ Անվտանգության խորհրդի նիստում:

«Անդրազգային հանցագործությունները թուլացնում են պետական կառույցները, նվազեցնում են անվտանգություն ապահովելու և տնտեսական զարգացման համար պայմաններ ստեղծելու պետությունների հնարավությունները: Դրանք հանգեցնում են այնպիսի վիճակի, որում ծաղկում են կոռուպցիան, ինչպես նաև անպատժելիորեն խախտվում են մարդու իրավունքները»,-հայտարարել է Ջ. Ֆելթմանը:

ՄԱԿ-ի պաշտոնյան ուշադրություն է հրավիրել «Բոկո հարամ», «Ալ Կաիդա», «Թալիբան» և  «Իսլամական պետություն» ահաբեկչական կառույցների և դրանց հետևորդների վրա և ընդգծել, որ այդ խմբավորումների գործունեությունը ցույց է տալիս հակամարտությունների ծավալումը սնուցող հստակ կապը՝ ահաբեկչության և անդրազգային հանցավոր գործունեության միջև:                                                                                                                                                                                      
Իսկ Անվտանգության խորհրդի անդամները միաձայն բանաձև են ընդունել, որով պահանջվում է, որպեսզի պետությունները թույլ չտան ահաբեկիչների տեղաշարժը մնեկ երկրից դեպի մեկ այլ երկիր և դադարեցնեն ահաբեկչական գործողությունների ֆինանսավորումը, այդ թվում՝ անդրազգային հանցավոր գործունեության միջոցով ստացված եկամուտների հաշվին:

Շարունակել կարդալ

Հյուսիսային Կորեայում մարդու իրավունքների հարցը կարող է քննվել Միջազգային քրեական դատարանում

dprkchildrenՄիավորված ազգերի կազմակերպության Գլխավոր ասամբլեան դեկտեմբերի 18-ին բանաձև է ընդունել, որով Անվտանգության խորհրդին առաջարկվում է դիտարկել Կորեայի Ժողովրդա-Դեմոկրատական Հանրապետությունում մարդու իրավունքների վիճակը Միջազգային քրեական դատարանի քննությանը փոխանցելու, ինչպես նաև մարդկության դեմ հանցանք գործածների դեմ պատժամիջոցների կիրառման հարցերը:

ԿԺԴՀ -ին առնչվող բանաձևին կողմ է քվեարկել 116 երկիր, դեմ՝ 20, ևս 53-ը ձեռնպահ են եղել: Դեմ քվեարկած երկրների շարքում են Ռուսաստանի Դաշնություն, Չինաստանը, Բելառուսը:

Ընդունված փաստաթղթում, մասնավորապես, ասված է. «Գլխավոր ասամբլեան դատապարտում է Կորեայի Ժողովրդա-Դեմոկրատական Հանրապետությունում մարդու իրավունքների՝ երկարատև շարունակվող պարբերական, համատարած և լուրջ խախտումները»:

Շարունակել կարդալ

Դեկտեմբերի 20-ը մարդկանց համերաշխության օրն է

international solidarity dayԴեկտեմբերի 20-ին նշվում է մարդկանց Համերաշխության միջազգային օրը: Այդ առիթով տարածած իր ուղերձում ՄԱԿ-ի Գլխավոր քարտուղար Բան Կի Մունը հիշեցրել է, որ այսօր ողջ աշխարհը միավորվել է՝ 2015 թվականից հետո կայուն զարգացման նոր օրակարգ ձևավորելու համար, որպեսզի վերջ տրվի աղքատությանը, հիվանդություններին և ժամանակակից այլ խնդիրներին:

«Անդամ պետությունները, ՄԱԿ-ի կառույցները, փորձագետները, քաղաքացիական հասարակության, գործարար շրջանակների ներկայացուցիչները և միլիոնավոր այլ մարդիկ երկրագնդի բոլոր անկյուններում միասին հավաքվել են ընդհանուր նպատակի գիտակցումով՝ լիարժեք կերպով օգտագործել այս եզակի հնարավորությունը, որը մեկ սերնդի կյանքում միայն մեկ անգամ է տրվում»,-ասել է Բան Կի Մունը՝ ընդգծելով, որ նոր օրակարգի առանցքում մարդիկ են և մեր մոլորակը:

ՄԱԿ-ի գլխավոր քարտուղարը նշել է նաև, որ այդ օրակարգը պետք է հիմնված լինի մարդու իրավունքների վրա և իրականացվի մարդկանց աղքատությունից, սովից ու հիվանդություններից ազատելու վճռականությամբ լի գործընկերների համընդհանուր ջանքերով: Այն պետք է իրականացվի համընդհանուր գործակցության և համերաշխության հիման վրա:

Բան Կի Մունն ավելացրել է, որ կարիքի մեջ ապրող մարդկանց հետ համերաշխությունը հիմնված է հավասարության, մասնակցության և սոցիալական արդարության սկզբունքների հիման վրա և ենթադրում է միջազգային հանրության որոշակի պարտավորություններ: Նրա համոզմամբ՝ միայն ընդհանուր ջանքերով միջազգային հանրությունը կարող է լուծել այնպիսի համընդհանուր խնդիրներ, ինչպիսիք են աղքատությունը, անհավասարության աճը, կլիմայի փոփոխությունները, առողջապահության ոլորտում լրջագույն խնդիրները, ինչպես օրինակ՝ էբոլայի համաճարակի բռնկումը:

Համերաշխության միջազգային օրը նշվում է սկսած 2006 թվականից՝ 2005 թվականի դեկտեմբերի 22-ին ընդունված ՄԱԿ-ի Գլխավոր ասամբլեայի բանաձևի հիման վրա, որը նվիրված է աղքատության հաղթահարման պայքարի ՄԱԿ-ի առաջին Տասնամյակին: 2005 թվականի ՄԱԿ-ի բանաձևը հղում է կատարում ՄԱԿ-ի Հազարամյակի հռչակագրին, որում ասվում է, որ 21-րդ դարում համերաշխությունը պետք է դառնա մարդկության հիմնարար արժեքներից մեկը։ 

Շարունակել կարդալ

Դիվերսանտների գործը

Դիվերսանտների գործը. դատախազը միջնորդել է մեկին դատապարտել ցմահ, մյուսին՝ 22 տարվա ազատազրկման

Լուսանկարը՝ «artsakhpress.am»-ի

Լուսանկարը՝ «artsakhpress.am»-ի

Դեկտեմբերի 19-ին ԼՂՀ ընդհանուր իրավասության առաջին ատյանի դատարանում կայացել է այս տարվա հուլիսին հուլիսին Շահումյանի շրջանում՝ Քարվաճառի ուղղությամբ ԼՂՀ պետական սահմանն ապօրինաբար հատած ադրբեջանական հետախուզական-դիվերսիոն խմբի երկու անդամների՝ Շահբազ Գուլիևի և Դիլհամ Ասկերովի գործով դատական նիստի վիճաբանության փուլը։

Այս մասին հաղորդում է «Արցախպրես» գործակալությունը:

Մասնավորապես, հաշվի առնելով դատական նիստի ընթացքում հնչած կարծիքները, վկաների ցուցմունքները, գործով ձեռքբերված իրեղեն ապացույցները, ամբաստանյալ Շահբազ Գուլիևի և Դիլհամ Ասկերովի ցուցմունքները, ձերբակալման ժամանակ նրանց մոտ հայտնաբերված տեսախցիկում առկա տեսաձայնագրությունները, դատաբժշկական հետազոտություների արդյունքները, փորձագետների եզրակացությունները՝ մեղադրող կողմը՝ հանձին դատախազ Կարեն Գաբրիելյանի, հանդես է եկել մեղադրական ճառով:

Դատախազ Գաբրիելյանը նշել է, որ ամբաստանյալները 2014 թվականի հունիսին Արցախի սահմանը հատել են ապօրինաբար, առանց փաստաթղթերի։ Փաստ է նաև, որ նրանք սահմանը հատել են հատուկ նպատակներով՝ տեղեկություւններ հավաքելու, ինչպես նաև տեսանկարահանումներ կատարելու համար։ Այնուհետև դատախազը մանրամասնորեն անդրադարձել է դատական նիստի ընթացքում արձանագրված փաստերին, ապացույցներին, տեսագրություններին, կողմերի ցուցմունքներին։

Գործով մեղադրող կողմը ընդգծել է նաև, որ Շահումյանի շրջանի անչափահաս բնակիչ Սմբատ Ցականյանի մահվան փաստի հետ կապված բոլոր ապացույցները վկայում են, որ հանցագործությունն իրագործվել է մեկ անձի կողմից, և որ այդ անձը եղել է Դիլհամ Ասկերովը։ Հայերի նկատմամբ ամբաստանյալ Ասկերովի տածած ազգային ատելության մասին փաստում է նաև այն հանգամանքը, որ սպանված պատանուն նկատի ունենալով, նա ամբաստանյալ Գուլիևին հարցրել էր. «Ինչ է, խղճու՞մ ես հայ տղային» (ինչի մասին Գուլիևը դատաքննության ընթացքում նշել էր իր ցուցմունքում)։

Ըստ մեղադրող կողմի` փաստ է, որ Գուլիևը եղել է հանցախմբի երեք անդամներից մեկը։ Նա տեսանկարահանումներ չի կատարել, բայց մշտապես եղել է հանցավոր խմբի հետ։

Դատախազ Կ. Գաբրիելյանն առաջարկել է ԼՂՀ քրեական օրեսգրքի համապատասխան հոդվածների համաձայն ամբաստանյալ Դ. Ասկերովին դատապարտել ցմահ ազատազրկման, իսկ Շ. Գուլիևին՝ 22 տարվա։

Շարունակել կարդալ

Կարգելվի սահմանված առավելագույն մանրածախ գնից բարձր գնով ծխախոտի արտադրանքի վաճառքը

cigaretԴեկտեմբերի 18-ին ՀՀ Ազգային ժողովում կառավարության կողմից շրջանառության մեջ է դրվել «Ծխախոտի իրացման, սպառման եւ օգտագործման սահմանափակումների մասին» Հայաստանի Հանրապետության օրենքում լրացում կատարելու մասին և Վարչական իրավախախտումների վերաբերյալ Հայաստանի Հանրապետության օրենսգրքում լրացումներ եւ փոփոխություն կատարելու մասին օրենքների նախագծերը:

Մասնավորապես, «Ծխախոտի իրացման, սպառման եւ օգտագործման սահմանափակումների մասին» Հայաստանի Հանրապետության օրենքում լրացում կատարելու մասին» օրենքի նախագծով առաջարկվում է «Ծխախոտի իրացման, սպառման եւ օգտագործման սահմանափակումների մասին» Հայաստանի Հանրապետության 2004 թվականի դեկտեմբերի 24-ի ՀՕ-72-Ն օրենքի 8-րդ հոդվածի 1-ին մասը լրացնել հետեւյալ բովանդակությամբ նոր՝ 11-րդ եւ 12-րդ կետերով: Համաձայն առաջարկվող լրացման՝ ծխախոտային արտադրատեսակների վաճառքը կարգելվի առանց Հայաստանի Հանրապետության կառավարության սահմանած կարգով մակնշված` առավելագույն մանրածախ գնի և Հայաստանի Հանրապետության կառավարության սահմանած կարգով մակնշված` առավելագույն մանրածախ գնից բարձր գնով վաճառելու դեպքերում:

Շարունակել կարդալ

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:

© 2012-2017 LEGALinfo.am Բոլոր իրավունքները պաշտպանված են: