Արա Զոհրաբյան,Զինավոր Մեղրյան,Իրազեկ բանակ,ՀՀ Փաստաբանների պալատ

Մեկնարկել է «Իրազեկ բանակ» փաստաբանական ծրագիրը Արցախի զորամասերում

05.06.2014-ՀՀ փաստաբանների պալատի նախագահ Արա Զոհրաբյանի գլխավորած պատվիրակությունը «Իրազեկ բանակ» փաստաբանական ծրագրի շրջանականերում Արցախի զորամասերում ժամկետային զինծառայողների և սպաների շրջանում հանդես է եկել դասախոսություններով:

Ինչպես հաղորդվում է ՀՀ փաստաբանների պալատի պաշտոնական կայքում, Արա Զոհրաբյանը խոսել է պետության օրենսդիր, գործադիր և դատական իշխանությունների բաժանման և դրանց փոխհարաբերությունների, ինչպես նաև քաղաքացու ընդհանուր իրավունքների և պարտականությունների մասին:

ՀՀ փաստաբանների պալատի նախագահի ծրագրերի գծով խորհրդական Զինավոր Մեղրյանը զինծառայողներին ներկայացրել է Լեռնային Ղարաբաղի միջազգային իրավական կարգավիճակի մասին թեման, այդ թվում՝ Հայաստանի Հանրապետության և Լեռնային Ղարաբաղի քաղաքական իշխանությունների դիրքորոշումները՝ ժողովուրդների ինքնորոշման և տարածքային ամբողջականության խնդիրների և ադրբեջանական քարոզչամեքենայի ստահոդ լուրերի տարածման խնդիրների մասին:«Հայ ժողովուրդը հաղթանակել է իրեն պարտադրված պատերազմը և եկել է մի փուլ, երբ պետք է միջազգային իրավունքը օգտագործելով ապահովել Արցախի Հանրապետության միջազգային ճանաչումը և քանի դեռ հայ զինվորը կանգնած է առաջնագծում ճանաչման գործընթացը հնարավոր է կայացնել: Առանց սահմանին կանգնած հայ զինվորի անհնար է խոսել միջազգային իրավունքի համակարգում Արցախի Հանրապետության միջազգային ճանաչման մասին»,-նշել է Զինավոր Մեղրյանը:

Ռազմական հանցագործությունների և քրեական պատասխանատվության ենթարկելու մասին ելույթով հանդես է եկել ՀՀ փաստաբանների պալատի խորհրդի անդամ Կարապետ Աղաջանյանը՝ ներկայացնելով զինվորների սպաների իրավունքները քրեական գործերով վարույթների ընթացքում:

Նյութն ամբողջությամբ կարող եք կարդալ սկզբնաղբյուր կայքում:

Շարունակել կարդալ Մեկնաբանություններ չկան

Արդարադատության նախարարություն,նոտարական համակարգ

Նախարարությունը կարևորում է նոտարական համակարգում ներքին մոնիթորինգի անցկացումը

02.06.2014-Հայաստանում նոտարական համակարգի ինքնակառավարման ամրապնդումը կառավարության օրակարգային խնդիրներից է: «Հանրային վերահսկողության եւ թափանցիկության ապահովում» ծրագրի շրջանակում նոտարական գրասենյակներում իրականացված հասարակական մոնիթորինգի արդյունքների ներկայացմանը նվիրված միջոցառման ժամանակ այս մասին է հայտարարել ՀՀ արդարադատության նախարարի տեղակալ Արսեն Մկրտչյանը:

Ինչպես հաղորդում է արդարադատության նախարարության պաշտոնական կայքը, նախարարի տեղակալի խոսքով՝ նոտարական համակարգը պետք է ունենա գործիքներ ինքնավերլուծության ու ինքնագնահատման համար:  «Նման համակարգերի համար ներքին մոնիթորինգի առկայությունը շատ կարևոր է: Նոտարական համակարգը հասարակության ամենահասանելի հանրային ծառայությունն է, այդ իսկ պատճառով այն ոչ միայն վստահելի պետք է լինի, այլև վերահսկելի»,- ասել է Արսեն Մկրտչյանը՝ հավելելով, որ զեկույցը գործիք է նոտարական համակարգի համար` տեսնելու թերություններն ու հետագայում ամրապնդելու կարողությունները: Նախարարի տեղեկալի գնահատմամբ, նոտարական համակարգը որոշակի քայլերով գնում է առաջ, և այդ զարգացումը պետք է բավարար հիմք հանդիսանա հանրային ծառայությունների որակի հետագա բարելավման համար:

«Հանրային վերահսկողության եւ թափանցիկության ապահովում» ծրագիրն իրականացվել է Հայաստանի երիտասարդ իրավաբանների ասուցիացիայի կողմից՝ ԵԱՀԿ երևանյան գրասենյակի աջակցությամբ: Ծրագրի շրջանակներում Ասոցիացիայի անդամներն իրականացրել են հասարակական մոնիթորինգ ինչպես Երևանում, այնպես էլ ՀՀ մարզերում գործող նոտարական տարածքային գրասենյակներում: Մոնիթորինգի նպատակն է վեր հանել այն բացերն ու առկա կոռուպցիոն ռիսկերը, որոնք կհանդիպեն հանրային ծառայությունների մատուցման ոլորտում, ինչպես նաև գնահատել նախկինում իրականացված համանման մոնիթորինգից հետո արձանագրված առաջընթացը:  Զեկույցի ավարտին «Հայաստանի երիտասարդ իրավաբանների ասոցիացիա»-ի և ՀՀ նոտարական պալատի միջև ստորագրվել է համագործակցության հուշագիր:

Շարունակել կարդալ Մեկնաբանություններ չկան

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:

© 2012-2017 LEGALinfo.am Բոլոր իրավունքները պաշտպանված են: