Ռուսաստանի օմբուդսմենը կզբաղվի Լևոն Հայրապետյանի խնդրով

Ombudsman-RAՀՀ մարդու իրավունքների պաշտպանի գրասենյակի տեղեկացմամբ` Ռուսաստանում կալանքի տակ գտնվող հայ գործարար Լևոն Հայրապետյանի խնդիրը Ռուսաստանի մարդու իրավունքների հանձնակատար Էլլա Պամֆիլովայի հատուկ ուշադրության կենտրոնում է: Այս մասին Հայաստանի մարդու իրավունքների պաշտպանի ներկայացուցչին հայտնել են Ռուսաստանի մարդու իրավունքների հանձնակատարի գրասենյակից:

Ռուսաստանի մարդու իրավունքների հանձնակատարն անհրաժեշտ հարցումներ է ուղարկել պատկան մարմիններին՝ պարզելու գործարարի առողջական լուրջ խնդիրների առկայության պարագայում վերջինին կալանքի տակ պահելու հիմքերը:

Կարևորելով Հայաստանի Մարդու իրավունքերի պաշտպան Կարեն Անդրեասյանի հետ առկա արդյունավետ համագործակցությունը՝ Ռուսաստանի մարդու իրավունքների հանձնակատարի ներկայացուցիչը վստահեցրել է, որ կատարվում են ընթացիկ աշխատանքներ, և արդյունքների մասին կտեղեկացնեն լրացուցիչ:

Աղբյուրը` ombuds.am:

Շարունակել կարդալ Մեկնաբանություններ չկան

Սահմանադրական արդարադատության Համաշխարհային խորհրդաժողովի 3-րդ համագումարը

WCCJՍեպտեմբերի 28-ին Կորեայի Հանրապետության մայրաքաղաք Սեուլում իր աշխատանքներն է սկսել Սահմանադրական արդարադատության համաշխարհային խորհրդաժողովի 3-րդ համագումարը: Համագումարի շրջանակներում կայացել են սահմանադրական արդարադատության տարածաշրջանային և լեզվական խմբերի հանդիպումները: 

Շարունակել կարդալ Մեկնաբանություններ չկան

ՍԴ նախագահը կմասնակցի Սահմանադրական արդարադատության երրորդ համաշխարհային կոնգրեսին

WCCJ2014թ. սեպտեմբերի 28-ից հոկտեմբերի 1-ը Սեուլում (Հարավային Կորեա) կընթանա սահմանադրական արդարադատության Համաշխարհային խորհրդաժողովի 3-րդ համագումարը (3rd Congress of the World Conference on Constitutional Justice), որին անդամակցում են աշխարհի 92 երկրի սահմանադրական և գերագույն դատարաններ։

ՀՀ ՍԴ մամուլի ծառայության տեղեկացմամբ, համագումարի աշխատանքներին կմասնակցի նաև Հայաստանի Հանրապետության սահմանադրական դատարանի նախագահ Գագիկ Հարությունյանը, ում նախագահությամբ սեպտեմբերի 28-ին տեղի կունենա համաշխարհային այդ հեղինակավոր կազմակերպության բյուրոյի նիստը։ 

Շարունակել կարդալ Մեկնաբանություններ չկան

ՄԻԵԴ

ՌԴ գերագույն դատարանը, հաշվի առնելով ՄԻԵԴ վճիռը, չեղարկել է տաջիկ նախկին պատգամավորին արտահանձնելու որոշումը

Âåðõîâíûé ñóä ÐÔՌԴ գերագույն դատարանը սեպտեմբերի 3-ին չեղարկել է Մոսկվայի քաղաքային դատարանի կողմից ավելի վաղ ընդունված որոշումը` տաջիկ նախկին պատգամավոր, հայրենիքում մի շարք հանցագործություններ կատարելու մեջ մեղադրվող Նիզոմհոն Ջուրաևի` Տաջիկստանին արտահանձնման մասին: Այդպիսով ՌԴ գերագույն դատարանի նախագահությունը բավարարել է դատարանի նախագահի ներկայացրած դիմումը ՄԻԵԴ համապատասխան վճռի վերաբերյալ: Ըստ ՄԻԵԴ վճռի` Ջուրաևի գործով առկա է Մարդու իրավունքների եվրոպական կոնվենցիայի  3-րդ հոդվածի խախտում (խոշտանգումների արգելք), քանի որ Ռուսաստանի պաշտոնատար անձիք չեն պաշտպանել դիմումատուին խոշտանգված լինելու և դաժան վերաբերմունքի արժանանալու իրական և անմիջական սպառնալիքից, որը կարող էր տեղի ունենալ անօրինական կեպով նրան Տաջիկստանին արտահանձնելու արդյունքում:

Շարունակել կարդալ Մեկնաբանություններ չկան

ՄԱԿ,Սիրիական կոնֆլիկտ,Սիրիական հակամարտություն

ՄԱԿ-ի անկախ հանձնաժողով. Սիրիայում մարդկության դեմ հանցանքներ են գործվում

SyriaՕգոստոսի 27-ին Սիրիայում իրավիճակի հետաքննության համար կազմված ՄԱԿ-ի միջազգային անկախ հանձնաժողովը հրապարակել է այդ երկրում տեղի ունեցող հակամարտության վերաբերյալ իր նոր զեկույցը: Մասնավորապես ընդգծվում է, որ Սիրիայի հակամարտությունը սպառնալիք է միջազգային խաղաղությանն ու անվտանգությանը: Ըստ զեկույցի` կառավարական ուժերն ու ընդդիմադիր կազմավորումները շարունակում են զանգվածային վայրագություններ գործել` անասելի տառապանք պատճառելով քաղաքացիական բնակչությանը:

Զեկույցի հիմքում ընկած են շուրջ 480 հարցազրույցի միջոցով ստացված վկայություններ, ինչպես նաև մեծ քանակությամբ փաստաթղթային նյութեր: Զեկույցի հեղինակներն եկել են այն եզրակացության, որ 2011 թ. սկսված հակամարտության արդյունքում խաղաղ բնակիչներն արդեն կորցրել են նորմալ կյանքով ապրելու և իրենց տարրական իրավունքների հարգման ցանկացած հույս: Հակամարտությունից տուժում են հատկապես կանայք ու երեխաները, որոնց հիմնական իրավունքները ոտնահարվում են ամեն օր: «Ամեն օր հարյուրավոր քաղաքացիներ են մահանում, մինչդեռ մարտերը շարունակվում են` հաշվի չառնելով ո′չ օրենք, ո′չ խիղճ»,-հայտարարել է հանձնաժողովի նախագահ Պաուլո Սերժիո Պինիեյրոն: 

Շարունակել կարդալ Մեկնաբանություններ չկան

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:

© 2012-2017 LEGALinfo.am Բոլոր իրավունքները պաշտպանված են: