ՄԱԿ,ՄԱԿ-ի Մարդու իրավունքների հարցերով գերագույն հանձնակատար

ՄԱԿ. Իրաքում քաղաքացիական բնակչության դեմ բռնությունները կարող են որակվել որպես մարդկության դեմ ուղղված հանցանքներ

UN High CommissionerՄԱԿ-ի Մարդու իրավունքների հարցերով գերագույն հանձնակատար Նավի Փիլայը դատապարտել է «Իրաքի և Լևանտի իսլամական պետություն» ահաբեկչական կազմակերպության և նրան կից զինված խմբավորումների կողմից Իրաքում մարդու իրավունքների զանգվածային խախտումները: Գերագույն հանձնակատարը հատուկ հայտարարությամբ անդրադարձել է ահաբեկիչների կողմից կատարվող թիրախային սպանությունների, առևանգումների, բռնի կրոնափոխությունների, սեռական բռնությունների, թրաֆիկինգի, ստրկացման, կրոնական և մշակութային նշանակության վայրերի ոչնչացման և էթնիկական ու կրոնական փոքրամասնությունների համայնքների պաշարման բազմաթիվ դեպքերին: Մասնավորապես նշվում է, որ թիրախային հետապնդման են ենթարկվում քրիստոնյաները, եզդիները, իրաքյան թուրքմենները և այլ փոքրամասնությունների ներկայացուցիչներ: 

Շարունակել կարդալ Մեկնաբանություններ չկան

ՄԱԿ

ՄԱԿ-ում ՌԴ-ի և Ուկրաինայի ներկայացուցիչները մեկնաբանել են ռուսական ավտոշարասյան մուտքը Ուկրաինայի տարածք

A woman and a boy walk near trucks of a Russian convoy carrying humanitarian aid for Ukraine near a Russia-Ukraine border crossing point in Rostov RegionՄԱԿ-ում Ռուսաստանի և Ուկրաինայի ներկայացուցիչները մեկնաբանել են Ուկրաինա տարածք` Լուգանսկի մարզ, ուրբաթ օրն ուղևորված ռուսական մարդասիրական ավտոշարասյան շուրջ ստեղծված իրավիճակը: Մասնավորապես, ՌԴ-ի մշտական ներկայացուցիչ Վիտալի Չուրկինը դեպի Լուգանսկ ավտոշարասյան մուտքի մասին տեղեկությունները նույն օրը կայացած մամուլի ասուլիսի ժամանակ «լավ նորություն» է անվանել: Մինչդեռ ՄԱԿ-ում Ուկրաինայի մշտական ներկայացուցիչ Ալեքսանդր Պավլիչենկոն ռուսական բեռնատարների մուտքը Ուկրաինայի տարածք վերջինիս տարածքային ամբողջականության աղաղակող խախտում է որակել:

Շարունակել կարդալ Մեկնաբանություններ չկան

Արդարադատության միջազգային դատարան

ՄԱԿ-ի ԱԽ-ն այց է կատարել Արդարադատության միջազգային դատարան

ICJՄիավորված ազգերի կազմակերպության Անվտանգության խորհուրդը օգոստոսի 11-ին այց է կատարել Արդարադատության միջազգային դատարան: Այցելությունն սկսվել է Անվտանգության խորհրդի և Միջազգային դատարանի նախագահների անձնական հանդիպումով: Հանդիպման ժամանակ քննարկվել են բազմաթիվ ընթացիկ հարցեր, որոնք վերաբերում էին Միջազգային դատարանի կարևորությունը, դատարանի դերին, Անվտանգության խորհրդի հետ վերջինիս կապին, և կողմերի համար ընդհանուր նշանակություն ունեցող այլ  կարևոր հարցեր: Այդ մասին տեղեկացնում է դատարանի պաշտոնական կայքը:

Արդարադատության միջազգային դատարանը ՄԱԿ-ի կարևորագույն դատական մարմինն է: Հիմնադրվել է 1945 թվականի հունիսին Միավորված ազգերի կազմակերպության Կանոնադրությամբ և իր գործունեությունն սկսել է 1946 թ. ապրիլին: Դատարանի նստավայրը Հաագայի (Նիդերլանդներ) Խաղաղության պալատն է: ՄԱԿ-ի 6 հիմնական մարմիններից միակն է, որ տեղակայված չէ Նյու Յորքում: 

Շարունակել կարդալ

Հրաչյա Հարությունյանի գործը

Հրաչյա Հարությունյանը դատապարտվեց 6 տարի 9 ամիս ազատազրկման

Hrachya HarutjunyanՄոսկվայի Տրոիցկի շրջանի դատարանը մեղավոր է ճանաչել 2013 թ. հուլիսի 13-ին Պոդոլսկի մոտ ուղևորատար ավտոբուսին բախված բեռնատարի վարորդ, ՀՀ քաղաքացի Հրաչյա Հարությունյանին և դատապարտել 6 տարի 9 ամսվա ազատազրկման: Ամբաստանյալը մեղավոր է ճանաչվել ՌԴ Քրեական օրենսգրքի 264 (Ճանապարհային երթևեկության և տրանսպորտային միջոցների շահագործման կանոնների խախտում) և 327 (Փաստաթղթերի կեղծում, կեղծ փաստաթղթերի պատրաստում  կամ վաճառք) հոդվածներով:

Ինչպես այդ մասին հաղորդում է «ԻՏԱՌ-ՏԱՍՍ» գործակալությունը, դատարանի որոշմամբ դատապարտյալը պատիժը կկրի ընդհանուր ռեժիմի քրեակատարողական հիմնարկում: Բացի այդ, Հարությունյանին նշանակվել է 1 տարվա ուղղիչ աշխատանքների կատարում: Նա նաև 3 տարով զրկվել է պատիժը կրելուց հետո տրանսպորտային միջոցներ վարելու իրավունքից:

Ըստ կայացված դատավճռի` ամբողջովին ապացուցվել է Հարությունյանի մեղքը ճանապարհային երթևեկության և տրանսպորտային միջոցի շահագործման կանոնների խախտման մեջ:

Մասնավորապես, դատավճռում ասված է. «Հարությունյանը չգրանցված տրանսպորտային միջոցը վարել է տրանզիտային համարանիշերով` չպահպանելով ճանապարհային երթևեկության կանոնները, ընտրելով ոչ անվտանգ արագություն, ուշադիր չի եղել երթևեկության մյուս մասնակիցների նկատմամբ, ճանապարհը չի զիջել գլխավոր ճանապարհով երթևեկող տրանսպորտային միջոցին»:

Դատարանը համարում է նաև, որ Հարությունյանը տեղյակ է եղել իր տրամադրության տակ եղած «ԿԱՄԱԶ» մակնիշի բեռնատարի արգելակման համակարգի անսարքության մասին: «Ամբաստանյալը ակնհայտորեն իրեն դրել է այնպիսի պայմաններում, որոնց դեպքում չէր կարող ապահովել ավտոմեքենայի վերահսկողությունը, և վթարային իրավիճակ է ստեղծել, ինչը հանգեցրել է վթարի և զոհերի»,-ասված է դատավճռում:

Դատարանը չի քննել ՃՏՊ-ի արդյունքում զոհվածների և տուժածների հարազատների քաղաքացիական հայցն ընդդեմ Հարությունյանի` բարոյական և նյութական վնասի փոխհատուցման վերաբերյալ: Դատավճռում ասվում է, որ դատապարտյալի կողմից բարոյական և նյութական վնասի փոխհատուցման հարցը պետք է վճռվի քաղաքացիական դատավարությամբ:

Հարությունյանի դեմ ներկայացված հայցով տուժողների իրավահաջորդները նրանից պահանջել էին 16 մլն ռուբլի գումար: Հարությունյանի փաստաբան Ռուբեն Մարգարյանի խոսքով, իր պաշտպանյալը տվյալ հայցը մասնակիորեն է ընդունել. մասնավորապես, ըստ Մարգարյանի, «նա համաձայն չէ դրանցում նշված գումարների չափի հարցում»: Ինչպես նշել է Հարությունյանը, նա չի կարող այդպիսի գումարներ վճարել:

Շարունակել կարդալ

ՄԱԿ-ի Հայաստանյան գրասենյակի վիրտուալ գրադարան

Ձեզ ենք ներկայացնում ՄԱԿ-ի Հայաստանյան գրասենյակի վիրտուալ գրադարան (էլ․գրադարան), որտեղ ներառված են  ՄԱԿ-ի հայաստանյան կառույցի բազմաբնույթ հրատարակումներ և տպագիր նյութեր, դասակարգված ըստ Հայաստանում գործող ՄԱԿ-ի գործակալությունների, ծրագրերի և հիմնադրամների: Հիմնականում հրատարակումներն ամբողջական են, տրված PDF տարբերակով:

ՄԱԶԾ ՄԱՓԳՀ ԱՀԿ ԱՄԿ
ՄԱԲՀ ՊՀԾ
ՊԳԿ
ՄԱՁԻԱՀ
ՄԱՄՀ ՀՏՎ ՄԱԱԶԿ ՄՄԿ

Հայաստանում գործող ՄԱԿ-ի գործակալությունների, ծրագրերի և հիմնադրամների  ՏԵՂԵԿԱԳՐԵՐ

Հրատարակումներ 2012

Հրատարակումներ 2013

Շարունակել կարդալ Մեկնաբանություններ չկան

ԶԼՄ-ներն LEGALinfo.am-ի նյութերը մեջբերելիս պարտադիր պետք է պահպանեն «Հեղինակային իրավունքի և հարակից իրավունքների մասին» ՀՀ օրենքի դրույթները:

Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ:

© 2012-2017 LEGALinfo.am Բոլոր իրավունքները պաշտպանված են: